FEISMO ILUSTRADO (08-01-2008)
Exposición no Centro Comarcal Terra de Lemos

“Feísmo Ilustrado” é un conxunto de ilustracións de quince debuxantes galegos que reflexionan sobre a problemática do feísmo en Galiza. A exposición está promovida pola Sociedade para o Desenvolvemento Comarcal de Galiza – dependente da Consellaría do Medio Rural – e mais pola Consellaría de Vivenda e Solo.

Os autores que participan na exposición empregan o humor gráfico e a ilustración para abordar un problema complexo que reflicte a relación da sociedade coa paisaxe e co territorio. Trátase de debuxantes cunha longa traxectoria profesional, que colaboran coa súa ollada crítica nos eidos social, económico ou político en xornais e editoriais tanto galegos como estatais: Jacobo Fernández, Ánxeles Ferrer, Forges, Fran Jaraba, Leandro, Siro López, Xan López Domínguez, Xaquín Marín, Pinto & Chinto, Miguelanxo Prado, Miguel Robledo, Kiko da Silva, Alberto Vázquez, Óscar Villán e Xosé Lois.

Estará aberta en Centro Comarcal de Terra de Lemos de Monforte de Lemos ata o 21 de xaneiro de 2008 de luns a venres entre as 10:00 e as 14:30, e as 16:00 e as 19:00 horas. Os sábados pola mañá abrirá de 10:00 a 14:00 horas.

# Enlace permanente a esta nova Utiliza este enlace para copiar como acceso directo ou para engadir a favoritos.

Feismo.com >> Novas relacionadas