Partindo de Ourense pola N-525, incorporándonos á N-120 cara Nogueira de Ramuín. Cando cheguemos a Luintra tomamos a estrada de Parada de Sil e despois do cruce de Moura e Viduedo, a uns 4 kilómetros de Luintra chegamos a Pombar que é noso punto de partida.

O recorrido ten unha lonxitude duns once kilómetros e medio, ten un desnivel de douscentos oitenta metros, cunha dificultade media e unha duración dunhas cinco horas e media. O recorrido sae de Pombar e pasa por Os Cousos, Cortecadela, os Coiros, Blancos, Cortecadela, Acevedo e volta a Pombar.

Partimos de Pombar onde destacamos as construccións e dentro do apartado de historia tamén recordar que por aquí pasaba o camiño que no medievo levabanos dende San Pedro de Rocas ata o mosteiro de San Estevo de Ribas de Sil.
Recorremos o camiño cerca do regato San Miguel pasando pola aldea abandonada de Cousos ata Rebordondo, dende onde se ve unha vista da provincia e unha cruz grabada na rocha. Continuamos viaxe ata Lamagorzos onde se encontran restos de enterramentos prehistóricos ou mámuas. Seguimos fixándonos na vertente norte de Robordondo onde hai unha mina de auga. Baixamos por Acevedo e voltamos a Pombar.