Saimos de Ourense seguindo as indicacións de Terra de Lemos, tomamos en Castadón o desvío cara Luintra, dende Luintra tomamos a estrada cara Os Peares e a tres kilómetros encontramonos con Nogueira. O inicio da nosa ruta encóntrase no templo de San Martiño.

O recorrido ten unha lonxitude duns seis kilómetros setecientos metros, ten un desnivel de cincocentos cincuenta metros, cunha dificultade baixa e unha duración dunhas catro horas. O recorrido sae de Nogueira e pasa por Fontefría, Pacios, Liñares e regreso a Nogueira.

Antes de sair podemos admirar a igrexa de San Martiño de Nogueira, un templo de estilo románico. En Nogueira tamén destacaremos o conxunto arquitectónico con edificacións adosadas a grandes bloques de granito. Iniciamos o camiño subindo cara Fontefria, logo camiñamos cara Lamaforcada e Pacios. Dende Pacios continuamos a Liñares contemplando as vistas da ciudade de Ourense. Dende Liñares regresamos a Nogueira a través duns bosques autóctonos.